جاي عبالي افضفض ف يمكن نص كلامي اصلا ما يكون منطقي
يخوان انا اول ثانوي
في عندي شلة بقعد معهم بالدوام من تاسع نفسها، زادت ناس بس الاساسيين نفسهم
في اكمن وحده من الشلة هاي كنت اطلع معها، احكي تلفوينات بالساعات، نفضفض لبعض، يعني بشكل عام شلة مش كلها قريبه بس انا شخصيا كان عندي علاقه مميزه مع كل واحد منهم، وكلهم كانوا يفضفضولي/ياخذوا راحتهم معي
هاد الحكي كمل لاول فصل من الاول ثانوي، بما انو صرنا توجيهي انا بشكل عام انشغلت، ويعني خلص المفروض كلهم واعيبن يمشوا ع شورهم
الموضوع الي رح احكيه تافه وانا عارفه هالحكي بس مش ملاقيه سبب غيره
باول الفصل اتفقوا ع غياب جماعي،قلتلهم اه غيبوا، وداومت انا ووحده
زعلوا الدفعه وانا كنت متوقعه هيك مع انو مش حقهم بس متوقع
بس بلشوا يبالغوا (انانيات حقيرات و و و)
يعني انا كنت متوقعه زعله خفيفه اشي هيك بس لا، من وقتها شلتي هاي ما حدا رجع حكى معي، او كان الحكي رسميات، (يعني انو مش زي زمان)
والي صدمني انو بنات ثانيه من الدفعه ما كنا اصلا قراب بلشنا نقعد ونحكي وهيك، ما بعرف شفقه ولا كيف بس يعني اذا الي مش صحباتي تخطوا معقول شلتي كانت بتدور حجه ولا كيف؟
انا تضايقت كثير والله، اه رجعت كونت صحاب بس يعني الي رجعت كونتهم صحبه surface level مش اشي عميق (لحد الان)
يعني بالاخر اختصر عليكم، معقول انا خربت علاقاتي وصرت 'لوحدي' بسبب هيك اشي؟ مش عارفه انا مش انو ميته ع صحبتهم بس جد لاقيه انو قصة الغياب مو منطقيه
والصحاب الجداد بالصدفه ما حدا منهم بداوموا ب مدرستي، ف اصلا حرفيا بالدوام لحالي، وشعور زي الرفت وابدا ما بنصح حدا
يعني الموضوع ماثر فيي لدرجة انو اساتذه الهم سنين بدرسوني صارو ياخذوني ع جنب يسألوني مالي.. انداري
انا عارفه انو نص كلامي مش واضح بس انو حبيب افضفض وشكرا