انا من شهر كده اكتئبت جامد بسبب خوفى من انى هبقى لوحدى بقيت حياتى، قدمت على شغل عشان اشغل نفسى و لعل و عسى اقدر اعمل صحاب جدد او حتى الاقى واحده اتعرف عليها، بس للاسف سواء كده او كده الناس هناك مختلفة تماما، انا مش عارف اتأقلم اوى لانى مش بتكلم كتير عشان معنديش مواضيع و حوارات اقدر استخدمها مع حد زى الناس الاجتماعية او بشكل اصح اهتماماتى مختلفة تماما.
و باانسبة للبنات حاسس انى مش عارف اتعامل معاهم عشان عمرى ما اتعملت معاهم غير عالنت و كلهم اجانب و كان عالاقل فيه حاجات مشتركة، انما الوضع فمصر طبعا مختلف، ده غير الدين طبعا اللى هيبقى اكبر مشكلة.
انا حتى مش اجتماعى عال سوشيال ميديا و لا بتكلم او بظهر كتير لان ديه مش شخصيتى، ف انا مش عارف ازاى هلاقى حد شبهى اذا كنت انا بالشكل ده.
بحب اعرف الناس بعمق مش بشكل صطحى، فبقدر ارتاح معاهم فالكلام بالذات اذا كان الشخص ده هو اللى هكمل معاه بقيت حياتى هبقى عايز اعرف كل حاجه عنها و ممكن ابقى رغاى اوى كمان او افضل اسمعها طول النهار بتتكلم عن نفسها او حياتها، لان ده بالنسبالى لو مش موجود يبقى مفيش حب بجد.
بس ازاى اوصل لده بما انى إنطوائى و ملحد و فمصر...