انا ٢٧ سنة وللاسف متربي بشكل مخلانيش احتك بالشارع والشغل وكده وفجأة اكتشفت اني لازم اعمل فلوس بعد التخرج لما ملقيتش شغل بالشهادة ف اشتغلت شغلانات متواضعة وفيها بهدلة وسنتين تقريبا ولقيت فرصة بالشهادة مرتب ضعيف جدا بس قررت اخد خبرة ومن شركة لشركة
حاسس الناس كلها ماتتعاشرش المشكلة ان الشغل عايز اقامة كاملة وفيه زمايل وفيه عمال ومشكلتي اكتر مع الزمايل الاقدم مني
مفيش حد سوي نفسياً مفيش حد جاي يشتغل من غير مايرازي غيرو وكله بيصعبها، الحمدلله انا كنت شاطر ف شغلي وفعلا بحب المجال بس مابقبلش الظلم على نفسي او على غيري..
واخدت قرار اسيب الشغل عند الناس واحاول اعمل فلوس لوحدي ف نفس المجال بشكل مصغر والحمدلله نجحت الى حد ما ولسه مستمر استلفت ف الاول وسديت وعملت جمعية وربنا يسهل، بس طبعا ضغط عصبي مش طبيعي واجهاد بدني بس كل ده بالنسبالي اريح من اني اقبل ان مدير او صاحب مكان يكلمني باسلوب مش كويس او يكدرني ف شغلانة
مش عارف اللي بعنله صح ولا غلط
الايام اللي بتروح مابترجعش ولو خسرت فجأة لا قدر الله مش عارف وضعي هيبقى ايه 🫠
ماهو برضو شغلانة بمرتبات النهاردة ماتجهزش شاب انه يتجوز 🫣
انا فكرت ان المشكلة ف المجال نفسه ف شهادتي يعني مطلوب اقامة كاملة والظروف المحيطة بتبقى ماتفاحش النفس يعني
ف بحاول كمان اتعلم مهارة ع اللاب استعملها جمب المشروع
بتعلم مونتاج ريلز والانجليزي بتاعي كويس وعندي قابلية اشتغل اي شغل من البيت
وبقبل اي نصايح.. ❤️🫡