u/Amazing3067

امس واحد من الشباب دق علي المغرب وقال اطلع انا برا طلعت لقيت ما شاء الله توه شاري مورسيدس وقعدت ابارك له و سألته من وين لك قال بفلوس الزواج وقعد يضحك و الصدق ان كان الموضوع وقتها يضحك شوي

هذا الرجال ما شاء الله من عائلة محترمه و ربي معطيهم من خيره عندهم فلوس بس مهب أغنياء لدرجة يشتري مورسيدس متى ما بغى

المهم ان الرجال عمره ٢٨ وله تقريبا سنه ونص يدور و يجمع فلوس للعرس و كل مره يدق باب يرفضونه و الصدق ما بغيت اسأل زياده لكن الي فهمته يقولون ان توك صغير و اعذار مهب صحيحه ف طفش وقرر يشتري سياره

الي شدني ان ما شاء الله اعرفه الرجال ممتاز واهله بخير وهو بخير مستقر ماديا و دوامه ممتاز ولكن لين الحين ما لقى احد