Should I run or keep going until I find something else?
**انا شغال ليا تقريبا خمس شهور محاسب خزنه ف توكيل لأربع شركات و يعتبر اصلا نوافذ لغسيل أموال و الشغل الأساسي عقارات و اثار و صاحب الشغل عضو مجلس شعب و ناس ف طبقه مختلفه تماما**
المهم بعد فتره من الشغل ابتديت الاحظ حاجات غريبه و اول اسبوع ليا شيلت فلوس و اتخصمت من مرتبي و انا اصلا لسه يعتبر مش فاهم الشغلانه كويس بس انا عرفت طريقه اجيب بيها فلوسي اللي اتخصمت و بصراحه من غير كدب مرجعتش حقي بس فوق حقي بزياده كمان .
و تطور الأحداث الشهر اللي فات و انا فاهم الشغل كويس و عارف ايه اللي تم بالظبط مدير الحسابات اول الشهر اللي فات خصم مبلغ من الخزنه علي حساب حاجه تانيه تخصه و قعدت أجادل معاه قعد يقولي لا متقلقش انا هقفلك الخزنه صح و دي ابقي اخصمها من مصاريف تانيه لما تيجي تترد و انا قولت تمام خلاص بس مخدتش منه إثبات رسمي علي كلامه أو اللي عمله و كنت واثق فيه المهم بقي ف نهاية الشهر في يوم كنت تعبان و مقدرتش اروح الشغل رجعت لقيت المفاجأة هوا كان علي الجهاز و قتها و لقيتني معجز مبلغ محترم اكبر من مرتبي اساسا ف بقوله ازاي دا انا مراجع قبل م امشي و مفيش اي عجز عندي بيقولي لا لا انت اللي معجز و كل كلامه بدون دليل أو وجه حق ف انت طبيعي لما يبقي في مشكله في الخزنه بترجع يوم بيوم لحد م تعرف الغلط فين قام البيع قالك لا ارجعلي لآخر الشهر اللي فات اللي هوا كان حاطط فيه المصروف اللي قالي هتخصمه من رد المصاريف طب ايه العلاقه اصلا و اللي فهمته أنه كان هيشيلني الاتنين علي بعض و دا مرتب شهرين و نص اساسا ف أنا أدركت المصيبه و فضلت ساكت و قولتله طيب هتصرف و اشوف الدنيا قومت قايله تمام لقيت العجز و انا ملقيتش حاجه و فضلت معجز تلت ايام و انا بفكر هعمل ايه و مع العلم انا لا ماضي علي حاجه ولا متأمن عليا ف جلالي فكره شمال بإني اخلص من العجز دا و كنت حاسس أنهم هيعدوها يا اما عشان هما مش فاهمين حاجه يا اما هما عارفين اللي عملوه و عملت كدا فعلا و الموضوع عدي علي خير و ربنا ستر بس انا برضه عملت زيهم و اخدت مبلغ و صرفته بنفس الطريقه و متضايق جدا اني عملت كدا و في نفس الوقت عايز اعمل كدا تاني و دماغي مش مبطله اللي هوا اصلا دا غسيل أموال ف عادي و الجانب التاني دا حرام حتي لو غسيل أموال و مش عارف اعمل ايه بجد .