u/Allsad00l

عندنا قطة فالبيت قاعدة بقالها سنتين بتنام تحت السلم وهكذا و بنرميلها اكل و القطة دي خلفت مرتين قبل كدا تحت السلم بس مكنتش بتخلينا نقرب منها خالص او حتي من المكان الي هيا بتكون قاعدة فيه ، المهم هيا دلوقتي خلفت تاني علي الكنب (عندنا كنب فمدخل البيت) و القطط الصغيرة بياكلو و اكرمكم الله بيعملو حمام عالكنب و الريحة بقت لا تطاق دا غير ان القطه الام مؤذية نوعا ما وانا عندي اخوات صغار بيخافو منها عشان دايما بتظهر عدائية ، عايز طريقة اطلعها هيا وعيالها برا البيت بس بدون ما اضرهم لان في ناس قالولي حطلها سم ومعرفش الهبل دا انا بسأل علي طريقة متكنش مضرة ليهم من اي ناحية مثلا زي ريحة معينة تطفشهم او اي حاجه 🧐