سؤال غريب
الحقيقة انا بحب ريديت جدا بس دايما استخدامي ليه بيكون في الاسئلة اللي ليها علاقة بالتيك والجيمينج واول مرة اعمل بوست ع كوميونتي مصري المهم انا 28 سنة، دكتور جلدية، المهم اني بشوف صحاب كتير في سني وناس اصغر بكتير بيرتبطوا وبيتجوزا وانا كل تجاربي في الحوار دا لا تتعدى تطورات بسيطة سطحية حصلت ف شات ورجعت نامت تاني وكلهم لونج ديستانس، الموضوع ملوش علاقة باني نيرد وطب وبلا بلا بس انا عمري ما كنت الشخص اللي بيبدأ كلام سواء مع صديق ولد وبطبيعة الحال مع بنت، والحقيقة مفيش برده حد بيفتح معايا كلام، كل اللي حواليا اكبر مني غالبا او مرتبطين اوريدي، كنت حاولت اكون صداقات ع تويتر مثلا بس بطبيعة الحال محدش يعرفني عشان يعملي فولو باك اصلا، ازاي اقدر اكسر الحلقة المفرغة دي والاقي بنت مناسبة يمكن اكمل معاها حياتي، بدون حلول كرينج زي اني امشي ادور ف مستشفيات او وحدات صحية+ والدتي الحمد لله مش من النوع اللي بيحب يدور لابنه ودا كويس