u/Agalmy — reddlx

يمكن تكون دي اول مرة اتكلم ف حاجة زي دي والموضوع اتحرق تقريبا بس عايز اقول وجهة نظري

انتشرت ف الفترة الأخيرة البنت اللي كسبت ف ذا ڤويس قبل كدا بعد م سافرت الصين وبدأت تنزل محتوى من هناك.

طبعا كلنا عارفين انها سافرت من عير محرم وطلعت تقول ان الازهر حلل السفر من غير محرم في حالة طلب العلم والناس سكتت

بدأت تطلع معاها ف الڤيديوهات واحد وهو قريب قوي منها وبيبصلها بصات مش تمام والناس سكتت

بدأت تنزل اغاني وبتعمل ليسبنج عليها ولما قالولها حرام جيش المسلمات الكيوت قالوا "هي مش بتغني هي حاطة الاغنية بس كدا مش حرام"

و ف الاخر بدأت تنزل ڤيديوهات ليها ب ميك اب مالي وشها وهي ف حفلة ورايحة تغني والناس برضو ساكتة

طيب وبعدين؟ هتفضل تضحك ع الناس كدا كتير؟ كلنا عارفين انها اخطر على البنات الصغيرة من اي حد تاني بيطلع يرقص لانه معروف انه غلط لكن هي متشافة انها الينت المسلمة المتحجبة طالبة العلم اللي كل حاجة بتعملها صح لانها كانت بتدي نصايح ف الدين.

ولما حد اتكلم وقال على ابوها ديوث طلعت تقول شرفي وشرف عيلتي وابوي بيتشرف بيا وبتاع. انتي لو ابوكي بيتشرف بيكي وانتي كدا يبقى هو ديوث فعلا اللي كتب الكومنت مغلطش واللي يشوف غير كدا يروح يتعالج

بقيت كل مش اشوف وشها اقرف اكمل الڤيديو او اسمع منها كلمه

لا وطالعة قبل كدا تفسر التعدد على مزاجها وكانت قربت تحرمه وانه تفسير ذكوري حطه الذكور لارضاء رغباتهم الجنسية لا اكتر. اللي هو صباح السكس على دماغكم في اي

ف والله واحدة زي دي لازم تتوقف عن اللي بتعمله لان في بنات كتير بيدوروا على السهولة ف الدين وينفذوا اللي على هواهم وشباب حيحانة لسة بيصدقوها

ويا عزيزتي النسوية الكارهة لجنس الذكور اديني لا ذكرت اسمها ولا شهرت بصورتها ولا افتريت عليها كذب انا قولت كلام كله عارفه وكلام قديم ف خلي انتقادك وشتيمتك لنفسك

ولو هتقول انت مالك هقولك متكتبهاش اصلا لاني بناقش اللي عقليتهم لسة شغالة