مجرد ما تبدا رحلتك في البحث عن سيارة في الرياض ..... خصوصا لو كنت بتشتري سيارة مستعملة (في حالتي انا قاعد ادور تاهو مثلا) ..... اول شي تروح تسال في معارض الحراجات مثل الشفا ومعارض حراج الشمال (القادسية) وغيرها
الغريب في الموضوع انك بتسوي بحث على الماب وبتسوي فلتر على اعلى الريفيو او عدد نجوم التقييم وكذا
بتلقى المعرض حرفيا والله على ما اقول شهيد
بتلقى عندهم ٥٠٠ ريفيو
٢٥٠ ريفيو تمجد وتهلل وتشكر في اشخاص معينين بالاسم وكذا
و ٢٥٠ ريفيو تحس انها تجارب حقيقية لأشخاص يكتبون كلام يقهر ويخليك تخاف تتعامل مع المعرض
عن سوء المعاملة بعد الدفع وبعد البيع وعن سوء امانة المعرض انه ياخذ ملحقات السيارة ويخبيها عن العملا بغرض البيع الشخصي وعن تغيير نوايا بعد دفع مبالغ وعن تلاعب في الفحص او الممشى او اتفاقات لا ترضي الله بين المعارض ومراكز الفحص ... وغير الحركات الفهلوية اللي يسوونها مثلا تلقى الموتر من اوله لاخره مليان غبار وما تشوف ايش فيه مخوش او كحت او غيره ....
وطبعا القائمة تطول للاسف ...
المهم ما بطول عليكم ... ابسمع تجاربكم في التعامل مع المعارض في الرياض وخصوصا اني سكنت جديد في هالمدينة الطيبة ..... وهل فعلا اصبح شيء نادر تلقى معرض فيه صدق وامانة والتزام بالعقود ....
ملاحظة : ترا منا قاعد ادور اعلانات او اشهر في احد معين ... ف لو عندك اسم معرض محترم تعاملت معاه اذكر اسمه ... لو كانت التجربة سيئة رجاء عدم ذكر اسماء ... ما نفتك منهم عاد 😅