u/Adham-non-toxic

حاسس ان ده انضف مكان في ريديت او "صب" بما اني جديد ف مش عارف الدنيا اوي هنا، مبسوط بتشابه العقليات و المنُطلق الديني لاغلب الناس هنا، مبسوط بالشبه في العموم❤️

ايه العقلية اللي لازم اكون عليها في وسط كل اللي بيحصل حواليا من غلاء اسعار و ظلم بشوفه بيقع على اخواتنا المسلمين في كل مكان. انا محتاج عقليه اعتنقها و منظور لأمور الحياه ميخلينيش انهزامي و سودوي برغم كل اللي بيحصل لان عارف انه لو اكتئبت ده مش هيغير الواقع؛ لاني فاكر انه جت عليا فتره خسرت وزن كبير من جسمي وبطلت الرياضات اللي كنت بلعبها و بقت نفسيتي في الارض من كتر ما بقيت انهزامي و دايما خايف من بكرا و ان اللي بيحصل حواليا من غلاء و ظلم هيقع عليا يومًا ما مع ان انا في واقع الأمر الحمدلله اموري تمام، الموضوع يبان غير منطقي بالمره لكن جوه عقلي انا دايما خايف و مش حاسس بالامان، بس كده، اسف على الاطالة و جزاكم الله خيرًا

هامش

ياريت النصيحة تكون من منظور ديني

انا بروّح عن اللي جوايا و حبيت اشارككم، بكل بساطه ده بوست مش مهم و تقدر تتخطى لو وقتك ضيق

باقيلي سنه و اتخرج و شايف ان انا مش هقدر اعيش في مصر لاسبابي الخاصه و عايز اروح اعيش في سوريا، الفكره بتكبر في دماغي يوم عن يوم كل يوم حاجه بتغلى هنا كل يوم هم بيزيد بكل بساطه انا شايل هم اهلي اللي هسيبهم دول انا حقيقي مش عارف اخد القرار ده امتى لكنه بالنسبالي قرار حتمي و لازم يتاخد، انا و شباب كتير الزواج بقى صعب علينا اوي وانا بتصعب عليا نفسي، انا شايف اني شكلي كويس و عايز اعيش و اتمتع بشبابي، مش عايز اتجوز وانا داخل على الأربعين، نفسي ربنا ياخد ب ايدي ويدلني على بداية الطريق اللي نفسي اخده حقيقي