u/Adept-Bee-5808

السلام عليكم يا اصدقائي مالكم بالطويلة انا بنت عمري ٢٥ من القصيم خطبني واحد من مناطق نجد المجاورة ماراح احددها

الزبدة حنا حمدلله عائلة ماديتنا فوق الممتازة ولله الحمد وهم مستواهم جيد برضو مو سيء
انا انسانه مستحيل اتكلم بالماديات إطلاقا وحتى هو قالي انتي ماقد سألتيني عن الوضع المالي

قربت الملكة وكلم ابوي هو قال هاه تحتاج مني شي تبي شي قاله ابوي ابد المعتاد والمتعارف عليه

يوم جا وقت انشاء العقد.. حط مهر اقل من المتعارف عليه عندنا وبصراحه حتى ابوي حزت بخاطره يقولي اشوفك تسوين مليون وهذا ماحط حتى اللي متعارف عليه.. ماقاله شيء بس يشوف انه بخس بحقي كثير

الصدق انا استغربت جداً لاني احسه انسان مقدرني وعارف قيمتي وماعمري حسيته بخيل بالعكس دايم يوضح لي قد ايش هو كريم ويبغى يكرمني

وش رايكم؟ اكلمه؟ ابوي يكلمه؟ نسكت؟

انا حسيت عادي نكلمه نوضح له تفهّمنا ان الوضع جديد عليه وقد يكون لايعلم ونوضح له انه مو هذا المعتاد عليه عندنا وانه مهو حقي..
بس بنفس الوقت محتارة احس احراج

ملكتنا بعد كم يوم، وبعدها بشوي بيسافر بعثة لأمريكا.
الزبدة هو ممتاز حمدلله.. لكنه بكثير من المرات مايعجبني من ناحية التواصل، مثلاً يختفي يوم مايقرا الرسالة، او تجيه فترات لما يصير مضغوط يصير مره المستوى هابط ⬇️ بعدين يرجع بالعلالي.

صارحته مره من المرات ان ترا ماحب التذبذب ذا وماحب القطعه لانها تقلقني كيف أأمن نفسي مع شخص كذا؟ تجاوب لفترة والان رجع يغطس فترة لما ينضغط ثم يرجع متحمس ولا اروع.

ما ادري.. احس فيه شوي اهمال عدم احترام لي كذا ولا لا ؟
يعني حلو الواحد يخلي شريكه معاه بنفس الصفحة ومهما زادت الضغوطات والالتزامات فيه شخص لازم يكون على اطلاع وعيب تتجاهل فتح الرسالة لفترة!

الصدق ماراح ارجع اعبر له عن استياءي عن الموضوع أولاً لاني بطلع بمظهر اني clingy وانا مب كذا، اللي مزعجني اكثر شي ان احس هالطريقة فيها عدم احترام وتقدير للشخص اللي معك
ثانياً لاني سبق وان قلت له

مره مترددة ومابقى شيء على العقد ومدري هل هو شيء عادي وانا ابالغ ولا صدق مزعج وغلط

يبدو ان لازال هناك تفضيل كبير للبياض على البنت حتى من الأعمار الصغيرة والشباب وليس كما يقال انه ذوق مواليد الثمانينات.

ولكن اللي استنكره هو استنقاص فئة على حساب تعزيز لفئة ثانية. تقدرون تمدحون السمر او الحنطيين دون تثبيط للبياض ونعته بذوق قديم.

اتساءل متى راح تنتهي العقدة هذه