ازاي ارجع اتفاوض ع المرتب بعد ما وافقت
انا بشتغل في مجال تدريب التكنولوجيا و الروبوتات و عندي خبرة فوق ال ٥ سنين خصوصا في تدريب الاطفال جالي جوب اوفر لشغلانة بارت تايم ٣ شهور و المرتب قليل جدا ع المجهود خصوصا انها هتبقا اكتر من ٢٥ ساعة في الاسبوع و مطلوب مني مخام ورقية و توثيق بالتصوير و غيره لما اتفاوضت اكتشفت انهم فاكرين ان خبرتي مع الكبار مش مع تدريب الاطفال و لما وضحتلهم ده زودوني حوالي ٣٠٠ ج فقط و انا بسبب اني كنت متوترة وافقت بس دلوقتي لما قعدت افكر لقيت اني هبقا مجهدة اوي و المرتب نصه هيضيع في السكن و المواصلات و مش هاخد مقابل المجهود اللي هبذله فإزاي ارجع في كلامي و ابعتلهم اني عايزة زيادة و عايزة اتفاوض تاني بدون ما شكلي يكون وحش ، مع العلم انا بشتغل شغلانة بسيطة مكفياني و انا بنت و محتاجة اشتغل الشغلانة دي عشان اجيب الجهاز بتاعي عشان قربت اتجوز و بردو عايزاها عشان ازود خبرتي مامتي بتقولي بلاها بهدلة لو مفيش مقابل مادي