احنا داخلين على ايام ميعلم بيها الا ربنا
عايز افهم مش اكتر وعامةً انا شايف الستات والرجالة غلط في حاجات كتير مش الستات بس
بس ليه بالذات اما الستات حد بينتقدها بيقولوا عليه شاذ او مش لاقي كلبة او عمر مواحدة هتلمسه برغم ان ده ملوش اي علاقة بالواقع؟ اكتر ناس بتكره الستات وبتحتقرهم هما النسوانجية الي حواليهم بنات كتير عشان عارفين طبيعة الستات مش النيردات الغلابة الي مش لاقيين ودول بيبقوا اكبر سيمبات عشان يلاقوا واحدة تعبرهم
بس بغض النظر، الستات دايماً بتشتكي ان الرجالة شيفاهم من منظور جنسي وان الجنس قيمتهم الوحيدة وفي نفس الوقت اما راجل بينتقدهم بيهاجموه بحجة انه بينتقد عشان مش ناجح جنسيآ معاهم؟ هما كدا بشكل غير مباشر بيقولوا ان قيمتهم هي الجنس وبس وان الراجل ده بينتقد عشان مش عارف يحصل على اكتر حاجة قيمة بيقدموها عشان كدا محروق وبيهاجمهم وانه لو نام معاهم هيحبهم وهيبقى مبسوط وكل انتقاداته تجاهم هتختفي، طب ليه مينفعش يبقى مبسوط منهم عشان التعامل معاهم كويس او عشان ذكائهم او صفاتهم الكويسة التانية؟ ليه لازم ينام معاهم عشان يبقى مبسوط ويبطل ينتقدهم؟
هو ده مش شايفه غير تلميح بشكل غير مباشر انهم مش بيقدموا حاجة قيمة - في وجهة نظرهم هما - غير الجنس حتى لو هما مش داريين بكدا في عقلهم الواعي
في نفس الوقت عمري مشوفت ست بتنتقد الرجالة بيطلعوا يقولوا عليها ليزبيان او مش لاقية راجل والهبل ده الا ممكن في حالات نادرة جدآ عشان الرجالة من جواها عارفة ان قيمتها مش في الجنس وبس
مش هياخد منك مجهود ولا وقت بس الاستغفار بنية التوبة والصلاة على النبي واضافة اذكار تانية لو حابب ممكن ينجدوك في الدنيا والأخرة
it’s over and i’m tired boss
ايه السبب الي ممكن يخليك عايز تتجوز برغم الظروف الحالية؟ انا مش قصدي ابقى رخم او سلبي وسوداوي ولا بحكم على حد وبتكلم بواقعية و حابب افهم مش اكتر
أنا عن نفسي ببصلها من ناحية حاجات كتير, ووصلت لان فعلآ الجواز مش فكرة كويسة خالص في الزمن والمكان الي انا فيه, طب ليه؟ عشان كل حاجة ضدي من الأخر, القوانين ضدي وممكن حياتي تدمر في ساعة لو مزاجها حكم والبلد ضدي مش عيزاني اتجوز بأي طريقة والاقتصاد ضدي والموضوع مستحيل لو شاب اهله مش بيساعدوه والستات كلها نسوية وضدي وشيفاني عدو عايز اضحك عليها والطرفين داخلين مقلقين من بعض ومعدش في جو المودة والرحمة والكلام ده كله واقف عالواحدة للتاني وحتى لو هي كويسة السوشيال ميديا والمجتمع هيقلبوها ضدي والستات سهل التأثير عليها
ده غير اني مش عايز اخلف اطفال في المجتمع ولا العالم ده كله في الزمن ده بسبب العك والفساد والانحلال والمرض النفسي والشر الي طاغي وان مفيش اي مستقبل واخرها هترسى على حروب اهلية او حرب عالمية او مصيبة تفشخنا كلنا, مين ممكن يخلف طفل تكون دي البيئة الي اتحكم عليه يعيش فيها؟ حرفيآ هيتولد هيلاقي كل حاجة سودة في وشه ومصيره اما هيكون مشوه نفسيآ او شبه مجنون او ميت
ايه السبب الي يخلي راجل عايز يتجوز بعد كل ده؟ الشهوة؟ هل كام دقيقة متعة يستاهلوا كل المعاناة والريسك دول؟ ده حتى لو الواحد لمؤاخذة فك بريزة هيبقى اهون من كل ده, هل في اي سبب تاني؟
ممكن حد يفهمني بجد عشان محدش اتكلمت معاه اداني جواب مقنع ويأما غير الموضوع يأما لمح اني معقد بدون ميرد عالكلام بشكل منطقي