العنايه بقطوي مسببه لي قلق 🙍♀️
اهلا جميعا
اتمنى تكونوا بخير 🩶
في قط جا من الشارع وتألف على بيتنا تعودنا عليه ونحبه بس ماكنت ادري انا واهلي انه مسؤوليه وكبيره بعد تحتاج اهتمام وعنايه وتنظيف ومراقبه
عموما امي خلتنا ندخله فتره بعدين زاد اهتمامي فيه لانه يحبني صرت اشتري اكله و العاب له وتريت و رمل وما الى ذلك
بعدها بفتره جاه تساقط ولا قدرت اعالجه وماديتي تازمت فتره
هالفتره الرمل جبت نوع عادي و التنظيف للتر بوكس انشغل عنه فترات و اهلي متأذين ومحد راضي يساعدني احاول اوفق بين دوامي وعنايتي فيه بس امي تعبت من كميه الشعر بالبيت
ايضا في قطوة شارع تجي عنده دائما و هالقطوه يجي ذكر ثاني يضربه عشانها واهلي قرروا ينترك بالحوش و درج البيت المشكله باختلاطه بالقطاوه انتقل له براغيث وعجزت اعالجها لانه بالشارع طول الوقت
انمنع عن الدخول و حاولت اتصالح مع انه يطلع ويرجع للبيت بس ضعيييف مايقدر يدافع عن نفسه
يصر يطلع ويلح ويماوي و بعدها بساعه يرجع مجروح كل مره جرح اكبر و اطببه الى ان يخف ويطيب ويرجع يخرج
وانا ذبحني القلق لا عندي امكانيه اروشه واعالجه من البراغيث واخذه داخل البيت لان لا اعرف اروشه ولا عندي احد يوديه بيطري
ومدينتي مافي نفس الرياض ياخذونهم للعياده
و الصدق عجزت لا انا قادره اتركه ولا احد راضي يتبناه ولا انا قادره اهتم فيه علطول بسبب اهلي وماديتي
و كل مارجع لي مضروب ينكسر خاطري عليه مره ولا اقدر اقفل عليه لان باختصار بيت اهلي رايحين جايين
تعبت والموضوع صار مسبب لي قلق غير طبيعي
رجاء لحد يلومني لان ضميري اكلني اكل ومو لاقيه حل
اعتذر عالاطاله بس يمكن القى رأي سديد عندكم