مشكلتي ورجاءا بدون احكام
اني رجال عمري راح يوصل قريب ال30 متزوج وعندي عائلية ومكونه من طفل واحد عمرة سنتين وحياتي كلش مستقرة وما عندي اي مشاكل لا عائلية ولا مادية ولا صارت مشاكل قوية بيني وبين زوجتي ولا هي ولا اني مقصرين بشي ع بعض وثنينا مينقصنا شي ...
بس اخر فترة دا احس بخنكه مو طبيعية بسبب احساس ان اني مقيد بهذه العائلة وحياتي كلها راح اقضيها وية نفس الشخص واني دا افقد حريتي بشكل كامل بسبب هل شي ..
واحس ان حياة بيها هواي امور لازم اخوضها ولازم اتعرف ع بنية جديدة واخوض تجربة جديدة وهل احساس احسه نولد من العدم ودا يخليني ادخل بحالة من الاكتأب بشكل مو طبيعي ..
ودا تجيلي افكار جدية ان اعوف كلشي وانهزم واكون حياة جديدة الي..
صحيح راح تشوفون هل شي انانية مني وربما عدم مسوؤلية بس اني خلال هل سنوات كلها ما قصرت بشي وكنت زوج شبه مثالي بس ربما لازم مرات واحد يكون اناني ويشوف حياته الخاصة بلحظة من لحظات ..
هل شي دا ياذيني ودا يعطل حياتي فاتمنى اشوف ارائكم باحترام وبدون حكم مسبق ؟