u/Acookedrabbit2 — reddlx

دلوقتي انا شخص كان دايما شاطر و دايما بيطلع من الاوائل (بالمناسبة ده الطبيعي بتاعي عيلتي اللي كلهم دايما من الاوائل و في كليات *قمة* اه مش بحب مصطلح كليات قمة ده بس يعني هو ده ال common name يعني ) .

المهم دلوقتي انا في تالتة ثانوي (السنادي مستوايا قل بطريقة ملحوظة بعد ما كنت الشخص الفشيخ بقيت و لا حاجة) و عندي شعور اني فعلا ضيعت يعني مستحيل ابقى زي اي حد من عيلتي سواء اخواتي او قرايبي او حتى امي و ابويا، هم متوقعين ان كده كده هطلع من الاوائل و كده كده هجيب الكلية اللي انا و هم عايزينها (انا مليش هدف و مفيش كلية عايزة ادخلها ف just انا ماشية ورا كلامهم) هم مش حاطين اي option لاني ممكن مجيبش المجموع اللي هم عايزينه .

المشكلة ان عيلتي فيها كتير قدي و كلهم ما شاء الله افشخ من بعض، بس يمكن المشكلة الاكبر ان انا مدركة كل الكلام اللي بقوله ده و فاهمة اني المفروض اعمل اقصى حاجة اقدر عليها عشان على الاقل مبقاش اقل من توقعهم بكتير بس للاسف مش بقدر اذاكر و كل شوية افكر ان هو كده كده استحالة ابقي زي اي حد منهم و لا حتى ابقى زي توقعهم و كده كده شكلي هيبقى وحش.

ممكن لو حد كان عنده نفس ال scenario ده يقولي اتغلب عليه ازاي ؟