إطعام قطط الشوارع بالطعام الجاف و ازمة المياه
انا عمري ما ربيت قطة في البيت او حاجة شبه كده
بس من فترة جت في بالي فكرة اني حابب ادي اكل للقطط اللي في الشارع لما اكون قاعد في حديقة معينة بروح ليها بشكل دوري يعتبر
اشتريت شوية دراي فود و عملت ده مرة بكميات قليلة حوالي 10 حبات كأنها حلويات، لأن فيه صديق و صديقة فهمت منهم انه مينفعش تدي ليهم من الدراي فود غير كميات صغيرة خاصة لو مش هتوفر ليهم مياه يشربوا منها، فزي فهمت منها ان مناسب اني ادي عشر حبات بالكتير كأنها حلويات
طبعاً انا حابب حد يصححلي لو فيه اي معلومة خطأ في كل ده
دلوقتي انا في بالي اني حابب اكرر ده و يكون معايا مياه، بس مش في بالي طريقة معينة يكون معايا فيها حاجة صغيرة تكون زي اناء او اي شيء تستوعب يتحط فيها شوية مياه
حد عنده افكار ؟
انا عايز حاجة تكون صغيرة و حبذا لو بتتطبق، و حاجة يكون فيه طريقة اني اعيد استخدامها، و اني و انا باخدها تاني يكون فيه امان عليا من البراغيت او اي عدوى ممكن تكون في قطط الشارع، فهل فيه حاجة ينطبق عليها المواصفات دي ؟
هل كوباية ورق مطبقة ممكن تكون مناسبة ؟
او عامة حد في باله ايه اقرب حاجة تحقق المواصفات اللي عايزها ؟
بشكركم مقدماً