u/A_K_4__7

اسمها عشر ليرات مو ألف ليرة

اسمها خمسة وعشرين ليرة مو الفين وخمسمية

اسمها خمسين ليرة مو خمس الاف

اسمها مية ليرة مو عشر الاف

اسمها ميتين ليرة مو عشرين الف

اسمها خمسمية ليرة مو خمسين الف

بالامس كانت قسد تجلس مع الحكومة ندًا بند ، كانت تفاوض وترفض وتملي شروطها للاندماج ، كانت كيانا موازيا للحكومة ، وعجيانها يتوعدون السوريين بأنهم سيسقطون الحكومة الجديدة

أين هم اليوم ؟

عم يحاربو قارمة القصر العدلي بالحسكة ههههههههه

ف فعلا النكتة الي طلعت انو مظلوم عبدي اخرتو رئيس بلدية جزء منها صحيح

السنة الماضية متل هالوقت كان في مسابقات لتصميم شعارات "هويات بصرية" متل مسابقة تصميم شعار ل "صنع في سوريا" مشان ينحط عالمنتجات السورية ، ومسابقة ايضا لتصميم شعار لمحافظة دمشق ، وقتها بتذكر العالم صارت تحكي انو لازم هالشغلة تتأجل لما بعد اطلاق الهوية البصرية "الي انطلقت بعدها بالفعل بشهر سبعة ورح يصيرلها سنة"

فشو صار فيهن هدول الشعارات ؟

السلام عليكم ورحمة الله وبركاته ، انا من شي يومين كنت راكب دراجة هوائية رايح لمكان ، المهم رحت ورجعت بغضون ربع ساعة ، ومون بدي اضيف ملاحظة انو الحي الي ساكن فيه انا مليان مطبات وحفر ، واني اصلا الكلسون "الداخلي" تبعي هو هداك الي بيجي متل الشورت الواسع ، يعني مو السليب

المهم حرفيا اول ما رجعت البيضة اليسار حسيتها ما بعرف شلون وجع وجع ، لك نغزة عم تجيني فيها ، المهم ريحت حالي اتسطحت 10 دقايق لقيت الوجع راح ورجعت لحياتي طبيعي وما صار شي ، بالامس ركبت دراجة ونفس الشي بالظبط صارلي وكمان ريحت حالي وراح الوجع ، بعدها رحت العب كورة ، كمان بس لعبت شوي ونطيت وهيك لقيت الوجع اجا بس اخف من الدراجة ، وكله عم يروح بعد الراحة وهيك

المهم بالمختصر انا تناقشت مع الذكاء الاصطناعي مشان هالشغلة ف حكالي معك دوالي الخصية ، انا قلت اوف يالتصعيد شو الي دوالي الخصية ،وقلت ان الذكاء الاصطناعي محشش وكملت حياتي ، ولا بنفس اليوم الي هو امس اجيت هيك ومسكت البيضة لعلي اعرف السبب ، اول شي نظرت إليها هيك بالمراية وبالعين من فوق ، مافي انتفاخ ومافي شي "من علامات الدوالي انو يكون في عروق منتفخة فوق الخصية اليسار" ، انا ما اكتفيت بالنظر بل لمست وحسست ، رحت لقيت انو في عروق منتفخة فوق الخصية اليسار ، بس هي مانها واضحة وتُرى ، لا هي بس انا لو ما لمست ولعبت فيها ما كنت رح احس اصلا انها عندي

وعملت بحث عن الدوالي ورحت للذكاء الاصطناعي ، طلع لها درجات ، الذكاء الاصطناعي عم يقلي اني بالدرجة التانية لأنها عم تسبب الم متقطع بعد بذل الجهد واهتزازها متل ما صار بالدراجة او لعب الكورة ، بينما الدرجة التالتة الي تستوجب العملية الوجع فيها مستمر وما بيوقف ، والانتفاخ بكون واضح جدا بالعين بالخصية

انا عمري حرفيا لسا ما وصلت ١٩ فمن وين لحقت انها تتطور هيك ودرجة تانية ، هلق الذكاء الاصطناعي قلي البس سليب وريح بيضاتك يا غالي ولا تهتم لأنو اذا ركزت كتير رح تتوسوس والشغلة بسيطة

فشو رأيكم انتو

هلق اجيت بدي اتابع مقطع وثائقي عن التحرير لأستذكر تلك الأيام الجميلة ، ففي لقطات تشويقية لردع العدوان طلعت ، ومن ضمنها الشاهين ، السلاح الذي أرعب شبيحة الأسد

فتذكرت بأول ردع العدوان وقتها شفت لقطات لكتائب الشاهين والمقاطع القصيرة تبع : الشاهين... نصلكم أينما كنتم

وقتها انا حالي كحال أي سوري حر ما فكرت بالموضوع كتير وما صفنت فيه بل خلص كانت الشغلة مجرد فرحة انو اوه والله عنجد الثوار صار عندهم مسيرات ، إي الحمد لله يلا بقا بدنا نشد حيلنا ونسقط النظام بعون الله ، وبكمل متابعة اخبار المعارك ولا كأنو صار شي

ولا كأنو مجموعة فصائل محاصرة في منطقة جغرافية صغيرة كل يوم كانت عم تتعرض للقصف ... صار عندها مسيرات

اکثر سلاح متطور في حروبنا حاليا بعد الطيارات المقاتلة ، بات يُصنع في إدلب ، بأياد سورية ثائرة

فسؤالي هون كيف صار هالشي بظل هالظروف الصعبة جدا ؟

وليش النظام ما سبقنا فيها اصلا وهو عنده دعم من منبع المسيرات ایران ؟

أنا سمعت من شي سنتين انو الشغلة كان الاوكران الهم ايد فيها بس مدري والله اذا صح أو هي كانت مجرد رواية روسية تافهة لإيجاد مبرر لقصف إدلب بهداك الوقت

فشاركونا آرائكم