مستقبلي قاعد يضيع
السلام عليكم انا الان في اخر سنة دراسية لي واتخرج ومابقى الا القليل بس فيه اشياء ماسويتها واحس اني مضيع مستقبلي وما ادري وش بسوي اذا ماعدلت من نفسي. مثل ما بعضكم عارف التحصيلي ما بقى له الا كم يوم واخوكم بالله ضايع ضياع ما يعلم فيه الا الله ما ذاكرت الا كم صفحة ولاني قادر اذاكر زيادة، انا عندي مشاكل فيه التركيز واعجز اركز على اي حاجة ما تشدني او تجذبني او استمتع فيها، ومن زمان اعاني من المشكلة هذي سواءً كانت في الدروس او المذاكرة وغيرها ودايم احاول اركز واضغط على نفسي ابي اذاكر وابي افهم وابي اركز لكني عاجز ما اقدر حاولت كثير ودايم اذا كان فيه اختبار مادة صعبة او معقدة ومحدد الاختبار قبلها بفترة ما ابدأ فيه الا بعد مايضيع الوقت كله علي والان تقريباً قاعد يصير نفس الشي مع التحصيلي. احتاج مساعدة في المشكلة هذي ما ادري هو مرض او كسل مني ما ادري.