بيع الدخان للاولاد الصغار
بدي اوخذ رايكم يا جماعة
قبل فترة ابن جارنا ( صف خامس) تهاوش مع ابوه وولعت بينهم المهم انا كنت عم بغسل بسيارتي برا..
ف صوتهم كان طالع..
ولما خلصوا طوشة، الولد الصغير طلع من بيته وشفته راح عل سوبر ماركت..
والسوبر ماركت قبالنا..
ولا اشوفه اشترى سيجارة.. وصار تبع المحل الختيار يولعله فيها
انا هون انوا ما ضل براصي عقل..
رحت عل محل ومسكت السيجارة و رميتها..
وعصبت على تبع الدكان انوا كيف ببيع دخان لولد صغير وبولعلوا اياها كمان بكل وقاحة..
وتبع دكان صار يحكيلي
هاض مش ولد صغير وهاض واعي ومش عارف شو
وانا ما الي دخل
طبعا بدو يحاول يبرر فعلته باي طريقة...
طبعا هاي مش اول مرة
اكثر من مرة شفته ببيع دخان فرط لولاد صغار..
يعني ما كانت اول مرة
وكنت احكي معه بكل مرة وانصحه بهدوء
وكل مرة بحكيلي ما الوا دخل
وانوا هاي رزقته
واغلب رزقة المحل من بيع دخان ومش عارف شو...
طبعا بعد الموقف، تبع المحل حقد علي لانوا عصبت عليه مع اني منبه مليون مرة قبلها😂