فيه موضوع يجي ببالي ودايم ودي اشوف كيف طريقة باقي العوائل
والي هو الام والاب هل يطلبون الابناء يسون كل شي؟ يعني اذا جلست معهم بيقعدون كل شوي يطلبونك تسوي لهم حاجة؟ تجيب لهم ماء تجيب لهم عصير تجيب لهم شاحن تجيب لهم مخدة تجيب بنادول تروح تدور اخوانك تروح تسال عن اخوانك تروح تشيك تروح تطبخ لهم شاي او قهوة والخ..
هل اهاليكم يعاملونكم كذا؟ والاهم من هذا هل يعجبكم هذا التصرف وتشوفونه صحيح من الاباء؟
يعني يرضيكم لو تجي اجلس مع ابوك لو امك ويقعدون كل شوي يعاملونك بهذي الطريقة؟
رجاء لا احد يقوم بالتنظير بالرد اذا هو ما يمر بهذي المعاملة من امه وابوه
والطلبات البسيطة المعقولة اكيد ما يبي لها نقاش الكل بيسويها لاعز الاشخاص له ما بالك ابوك او امك لكن الطلبات المتكررة والروتينية هذي؟ الي بالجلسة الوحدة لازم تسويها اقل شيء عشر مرات؟ هل مريتوا فيها؟ وما رايكم فيها؟ وهل بتسونها لعيالكم؟