شنو الشغلات الي سويتوها لنفسكم من أجل شغلة معينة تساعدكم بعملكم أو حياتكم. على سبيل المثال راح أذكر بعضهم ألي عندي ألي ممكن تعانون منها لو تحتاجوها (بس ما أشاركها).
أداة تسجل شكو تعليق أني أكتبه ببعض المواقع الي أني محددهم. بنهاية كل يوم تشوفني كل التعليقات بكل المواقع الي سويتها و فيها خيارات اما تمسح بعضها أو حسب موقع أو كلها (أغلب الوقت ما أعلق أصلا بس هذه دائما اختارها).
أداة تسحب الترانسكربت الخاصة ﻷي فيديو على اليوتيوب حتى لو اليوتيب يقول غير متوفرة (لانه جذاب, كل الفيديوات من السنين السابقة تقريبا 5 سنوات و لليوم, اليوتيوب بالسر يسوي الهم "ترانسكرايب" و يحفظهم لكن يخفيهم, ليش؟ ألله أعلم). الغرض منها كان لأجل الكورسات بوقتها أحفظهم للمراجعة و غيرها. قبل فترة طورتها أكثر ضفت خاصية أختيارية أنها ترسل هذا الترانسكربت الى أي غباء صناعي علمود يسوي عدة شغلات, أولاً يسوي ملخص للفيديو, بعدها من الملخص و الترانسكربت يشوف شكو لحظة مهمة بالفيديو ممكن تفيد في المراجعة و يسحب سكرين لتلك اللحظة و يلخيهم كلهم بلمف واحد. بس هسه أحسها سممت عقلي, أي فيديو مثير لو تعليمي مباشرة أسويله ملخص و أحفظه هو و سكريناته, أوه نسيت أذكر أنه الملف النهاية ما يتعدى ال50 كيلوبايت. و نسيت أذكر أنه حولت أضافة يصير لكل متصفح لول.
شنو ألادوات الي أنتوا مسويها؟