u/1Musicophile

اليوم أنا وامي قررنا نروح الجنوب بالمترو واحنا بالشمال يعني المشوار طويل المهم دخلت المترو كان فل وماما الله يحفظها كبيره بالسن مستحيل تقدر توقف ولا حتى شوي خصوصا بالمترو

شفت بنت جامعية صغيرة رحت استأذنتها إذا تسمحين ماما تجلس مكانك والصراحة كنت خجلانه وانا اطلب لان مو من حقي أقوم احد من مكانه لكن فعلا ماما ما تتحمل اللي صدمني انها بكل بجاحة قالت لا طبعا مكاني .. مع اني اعرف انه مكانها وحقها لكن كيف قلبها طاوعها تترك شخص كبير بالعمر يتعب وتشوف المنظر وعادي ؟ الله يسعدهم ٢ بعدها قاموا على طول لما سمعوني وقالوا لماما تجلس مكانهم الله يوفقهم وين ما كأنوا

الغريب واللي قهرني انها كانت نازله بالمحطه اللي بعدها.. فعلا صدمتني وفعلا الناس أجناس

انا تزوجت شخص هو وأخوه تزوجوا بنفس الفترة يعني أنا وسلفتي كنا عرايس بنفس الفترة.. هي عسل واحترمها مره لكن اهل زوجي (عماته وخالاته) لما نروح المناسبات الكبيرة يجلسون يمدحونها ويعاملونها معامله خاصه بحكم انها اجنبية (من احد الدول العربية) وانا مهمشة تماما تماما وهذا الشي مره يضايقني والله يمكن تشوفون اني اكبر الموضوع لكن تخيلوا انفسكم بين مقارنات وتهميش .. زوجي من زمان يقول لي أنا اللي علي اوجب اهلك اللي هم أبوك وأمك وأخوانك غير كذا لا تحبريني على مناسبات عايلتكم.. أنا ودي اقوله نفس الشي مع العلم أهلي أنا جدا جدا متفهمين ومستحيل يجبروني او يجبرونه على مناسبة عكس اهله يسوون مشاكل إذا ما حضرت المناسبات حقتهم

لكن أنا اشوف ان صحتي النفسية اهم منهم كلهم لو فيهم خير حطولي قدر ف هل تشوفون إصراري على هذي الشي طبيعي؟ أنا مره كويسه مع اهله مره ويحبوني كثير لكن مشكلتي مع العمات والخالات