u/11nnocent

دلوقتي انا بقالي اكتر من سنة بشتغل برسم ديجيتال واخد عليه مقابل جيفت كارد غالباً ما بيكون ستيم او عملة افتراضية في لعبة، يعني بدل ما العميل يحولي ٢٠$ كنت بخليه يشتريلي جيفت كارد (و اغلبهم اصلاً كان بيشتريها بسعر ارخص من مواقع تانية والموضوع دا مضايقني) انا عندي ١٨ سنة وكنت عايز اعرف هل اقدر افتح حساب بنكي دولاري عشان استقبل عليه فلوس بدل جيفت كاردس وعايز بردو اقدر استخدمه اني اشحن في ستيم وكدا بس مش دا الحاجة الوحيدة اللي هستخدمه فيها يعني لو عزت اشتري حاجات من ebay او من برة مصر نفس الفكرة، حالياً معايا ديبيت كارد من بنك مصر بس حرفياً مش مستفاد منها خالص