u/100kBy1

انا في دولة عربية فيها اختلافات كبيرة جدا بين شعبها، في كل النواحي، اختلافات في الالوان و في العادات و الثقافات، و اكثر شي شد انتباهي اختلاف مناهجهم الدينية و العقدية، و مع ذلك بتلاقيهم كلهم بيصلوا في صف واحد خلف إمام واحد، مافي زول بيتكلم مع الزول التاني و مافي زول يقدر يناقش انو انت صليت كدة وعملت كدة، كل واحد في حالو..

ف دة مخليني احاول اعرف ليه احنا في السودان ما بنعرف نعيش مع اختلافات بعض؟

يعني ليه ما عايزين نتقبل فكرة انو ما لازم اشبهك وما لازم تشبهني ، طالما عايشين في وطن واحد من المفترض يضمن لينا حقوقنا مع تنوعنا.. اقل شي في الجامع دة تلقى بعد كل صلاة شكلة.. تفتكروا الاسباب شنو البتخلينا نكبر خلافاتنا ونضيق اتفاقاتنا، كأننا متفقين على الا نتفق؟ والحلول شنو؟