My father is holding my documents.
سؤال للعراقيين الي عندهم تجربة وي الموضوع الي راح اذكره+الناس الي عدهم خبرة او معلومة على ردة فعل المحاكم او القانون(بالواقع كتنفيذ)
،اذا جان الاب محتجز وثائق بناته البالغات مثل الهوية والجواز -لكن يسلم الهوية في سياقات معينة مثل اقتناء مركبة - لكن الجواز ما يعطي الا اذا البنية قررت تتزوج
1\_هل يحق للبنت تشتكي عليه حتى يسلمها الوثائق اجباريا؟
2\_هل القانون العراقي (تحديدا البصرة او الجنوب) راح ينصفها لو راح يعتبره من حق الوصاية للاب انو يحجز وثائقها قسريا؟
\_وخلي بعين الاعتبار ان هذا الاب ماعنده مشكلة بالعنف وعلم ابنه على نفس الطريق ،لكن ولا وحدة من البنات جربت تشتكي (اريد اشتكي بس بعدني ادرس وماعندي مصدر دخل غيره) وغالبا موقفه ضعيف لو اشتكت وحدة لأن ماعنده روابط اجتماعية واحنا ما نعتبر عائلة عشائرية (ابوي انسلخ من عشيرته الاصلية وراح لغير عشيرة)
الي عنده تجربة او يعرف معلومة اتمنى يشاركها واكون ممتنة 🌹
\+خريجين او طلاب القانون فيدونا اذا امكن