هو احنا بنربط قيمتنا بإنجازتنا لانها فعلاً اللي تستحق نقيّم نفسنا على أساسه ولما بنلاقى نفسنا محققناش حاجة بنلجئ لأننا نفتكر قيمتنا كبشر بعيد عن الانجازات -كمجرد شفقة على نفسنا او مواساة- ولا احنا فعلا اكتر من مجرد إنجازاتنا؟
هو غالبًا محبنيش عشان صحبتي مسدت عليه عادي ولما انا كنت عاوزة امسد عليه -اتوقع اتغاشمت- راح سابني وجري لبنوتة تانية 😔 "او انا مكنتش قمورة كفاية بالنسبة له".
والله اتقمصت، غالبًا لازم اتعود انهم مش زي القطط بتاعتي واني اتعامل معاهم بلطف اكتر من كده.
المهم صحبتي النهاردة كان عندها تكريم وانا عمومًا مكنش ليا نفس اخرج الصراحة وكمان كنت حاسة هضيّع وقت على الفاضي بجد لو روحت الجامعة بس معترفة اني غلطت في اني نسيت انها عندها تكريم، خصوصًا انها فعلا من الصحاب الكويسين اللي ممكن يكونوا معاك في اي حاجة مهمة او متعرفش تعملها...هو انا ممكن اعملها ايه اعوضها عن الموقف البايخ ده؟ ولو حاولت اجبلها هدية هيكون عادي ولا هيبان كأني بساومها مثلًا؟ مش عارفة اتصرف ازاي بأمانة
حاولت اتفرج على فيلم منفعش، وعملت كيكة منفعش، وفتحت ريدت احاول اشغل نفسي ومنفعش، وبحاول انام ومش نافع، وجبت سناكس منفعش-عندي التهاب لثة كمان- فيعني الحوارات كلها بايظة معايا -محدش يرشحلي سودوكو عشان بتعصبني وبعوز اعيّط لما مبعرفش احلها- كان واحد نيرد رشحهالي زمان.